Ердоган и Путин разговараа за Сирија

Турскиот претседател Реџеп Таип Ердоган и рускиот претседател Владимир Путин телефонски разговараа за Сирија.

Претседателот на Турција за време на разговорот му кажал на Путин дека неодамнешниот напад на силите лојални на режимот на Башар ал Асад врз турските трупи им наштетил на заедничките напори кои двете земји ги вложуваат во постигнувањето на мирот во Сирија.

Исто така Ердоган рече дека Турција како одговор на таквите напади и понатаму ќе го користи правото на самоодбрана.

Претседателите разговараа и за билатералните односи како и за другите случувања во Сирија и Либија.

Турската авијација и артилерија вчера извршија 54 напади врз цели во Идлиб при што загинаа 76 сириски војници. Нападите се случија откако петмина турски војници и тројца цивили беа убиени во гранатирање со сириските владини сили во Идлиб.

You must be logged in to post a comment Login

ОСТАВЕТЕ КОМЕНТАР