Стапката на невработеност во ЕУ изнесува 7,5 отсто, во еврозоната 8,3 отсто

Стапката на невработеност во еврозоната во декември остана стабилна, 8,3 проценти, споредбено со претходниот месец, покажуваат сезонски прилагодените податоци, додека значително е зголемена во споредба со декември 2019 година, кога беше 7, 4 проценти.

На ниво на цела ЕУ, стапката на невработеност во декември беше 7,5 проценти, што, исто така, е непроменета во однос на ноември, но значително поголема од 6,5-те проценти во декември 2019 година.

Според статистичарите, во декември во Европската унија имало 16 милиони невработени мажи и жени, од кои 13,67 милиони во еврозоната.

Во споредба со декември 2019 година, бројот на невработени во Унијата е зголемен за 1,95 милион лица, а во еврозоната за 1,51 милион.

Кога станува збор за младите лица на возраст под 25 години, стапката на невработеност во ЕУ во декември се зголеми на 17,8 проценти од 17,5 проценти една година претходно, а во истиот период еврозоната се зголеми од 18,1 на 18,5 проценти.

Во ЕУ 3,13 милиони млади луѓе во декември беа невработени, од кои 2,59 милиони во еврозоната.

You must be logged in to post a comment Login

ОСТАВЕТЕ КОМЕНТАР