Нов Зеланд ја одобри вакцината на Фајзер-Бионтех

Управата за безбедност на лекови и медицински помагала на Нов Зеланд, „Медсејф“ привремено ја одобри употребата на вакцината против Ковид-19, која заеднички ја развија американскиот производител на лекови „Фајзер“ и германски „БиоНТех“, објави новозеландската влада.

„ Привременото одобрување на вакцината Фајзер-БионТех е позитивен чекор во борбата против Ковид-19“, рече премиерката Џaсинда Ардерн. Таа исто така додаде дека ова значи дека сега можат да започнат подготовки за првата фаза од воведувањето на вакцинацијата.

Вакцините се очекува да пристигнат во Нов Зеланд до крајот на првиот квартал, објави владата, додавајќи дека први ќе бидат вакцинирани луѓето со најголем ризик за оваа болест, а другите ќе бидат вакцинирани во втората половина на годината.

You must be logged in to post a comment Login

ОСТАВЕТЕ КОМЕНТАР