(Фото) Шекеринска: Промовираме 65 подофицери по 11 години неоправдана пауза

Промовирана првата група од 65 подофицери од вкупно 120-те професионалните војници во касарната „Илинден“, во присуство на министерката за одбрана Радмила Шекеринска. Курсот за подофицерите, кој се организира по 11 години, почна на 28 ноември 2020 година, а заврши на 4 февруари. Втората група од 55 лица ќе ја започне обуката на 22 февруари.

Фото: Б. Грданоски

Министерката за одбрана Радмила Шекеринска истакна дека првите 65 подофицери се промовираат по 11 години неоправдана пауза.

Фото: Б. Грданоски

– Овие 65 припадници, кои го завршија курсот за подофицери во Центарот за обука „Пепелиште“, се првата фаза во решавањето на голем, крупен проблем во Армијата. Вака, чекор по чекор, во соработка со Генералштабот, со командата, успеваме да ги поправаме дупките во армијата и покажуваме дека нешто што неоправдано било проблем, полека но сигурно успеваме да го решаваме. Дозволете ми да кажам дека денеска ми доаѓаше наместо говор, да пуштам еден знак на воздивнување, заради тоа што долги месеци работевме за денеска пред нас да стојат 65 нови подофицери, истакнаа Шекеринска.

Фото: Б. Грданоски

Таа рече дека кога била избрана на функцијата министер за одбрана не можела да разбере како имало непополнети 500 места за подофицери. Но, со тек на времето сфатила дека тоа не било толку лесно.

Фото: Б. Грданоски

– Ако до вчера имавме минус 450 подофицери, со вашата група, и со наредната од 55, успеваме да го решиме проблемот со 120 подофицерски места кои ќе бидат пополнети, рече Шекеринска.

You must be logged in to post a comment Login

ОСТАВЕТЕ КОМЕНТАР